Qarabağ regionunda gənc hüquq mütəxəssislərinin inkişafı, regional hüquqi xidmətlərin gücləndirilməsi məqsədilə Xankəndi şəhərində "Lex Camp" layihəsinin növbəti mərhələsi icra olunmaqdadır.
Cəmiyyətin hüquqi və sosial rifahının təmin olunmasında etibarlı tərəfdaş.
"Sosial və Hüquqi İslahatlara Dəstək" fondu dövlət qeydiyyatına alınmış qeyri-kommersiya hüquqi şəxsdir. Fondun əsas fəaliyyət fəlsəfəsi sosial rifahın yüksəldilməsi, regional tərəqqi və ədliyyə sisteminin müasirləşdirilməsi sahəsində dövlət islahatlarına vətəndaş cəmiyyəti tərəfindən töhfə verməkdir.
Biz müxtəlif bölgələrdə hüquqi maarifləndirmə kampaniyaları aparır, innovativ layihələrin həyata keçirilməsinə və (və ya) maliyyələşdirilməsinə köməklik göstəririk. Qanunvericiliyin tələblərinə uyğun olaraq cəmiyyətdə sosial bərabərliyin təşviq edilməsi və hüquq institutlarının, o cümlədən notariat orqanlarının inkişafı bizim prioritet hədəflərimizdir.
Nizamnaməyə uyğun olaraq qarşımızda duran strateji fəaliyyət istiqamətləri.
Sosial və hüquqi islahatlarla bağlı layihələrə dəstək vermək, ölkədə hüquqi maarifləndirmə işini və hüquqi savadlılığı təşviq etmək.
Respublikanın müxtəlif bölgələrinin dayanıqlı inkişafına yardım etmək, yerli icmaların potensialını gücləndirən layihələr icra etmək.
İnsanların maddi rifahının yaxşılaşdırılmasına, sosial cəhətdən həssas qrupların dəstəklənməsinə yönəlmiş təşəbbüslər həyata keçirmək.
Ədliyyə, o cümlədən notariat fəaliyyətinin təkmilləşdirilməsinə, şəffaflığın və vətəndaş məmnunluğunun artırılmasına dəstək vermək.
Suallarınız, təklifləriniz və ya tərəfdaşlıq təşəbbüsləriniz üçün bizimlə əlaqə saxlayın.